സ്വന്തം തട്ടകത്തിൽ ജയമെന്ന സ്വപ്നം ജംഷദ്പൂരിന് ഇന്നും സാധ്യമായില്ല. ഇന്ന് മുംബൈ എഫ് സിയെ നേരിട്ട ജംഷദ്പൂർ രണ്ട് ഗോളുകൾ അടിച്ചിട്ടും ജയവും മൂന്നു പോയന്റ് ലഭിച്ചില്ല. നാലു ഗോളുകൾ പിറന്ന മത്സരത്തിൽ 2-2 എന്ന സമനിലയിലാണ് കളി അവസാനിച്ചത്.
തുടക്കത്തിലെ കളിക്ക് വേഗത കൂട്ടിക്കൊണ്ട് സ്റ്റീവ് കോപ്പലും സംഘവും തുടങ്ങി എങ്കിലും 24ആം മിനുട്ടിൽ തിയാഗോ സാന്റോസിലൂടെ മുംബൈയാണ് കളിയിൽ ആദ്യം ലീഡ് എടുത്തത്. പക്ഷെ ശക്തമായ തിരിച്ചുവരവ് നടത്തിയ ജംഷദ്പൂർ അസുകയുടെ ഇരട്ട ഗോളിൽ കളി മാറ്റിമറിച്ചു. ഹാഫ് ടൈമിന് തൊട്ടുമുന്നേ ആയിരുന്നു അസുകയുടെ രണ്ട് ഗോളുകളും പിറന്നത്.
രണ്ടാം പകുതിയിലും ജംഷദ്പൂർ തന്നെ മികച്ചു നിന്നു. പക്ഷെ കളിയിടെ ഗതിക്ക് വിപരീതമായി 71ആം മിനുട്ടിൽ തിയാഗോ സാന്റോസ് എവർട്ടൺ സാന്റോസിന്റെ അസിസ്റ്റിൽ മുംബൈക്ക് സമനില ഗോൾ നേടികൊടുത്തി. സമനിലയോടെ ജംഷദ്പൂർ ആറാം സ്ഥാനത്തേക്ക് കയറി. 8 കളികളിൽ നിന്നായി 10 പോയന്റാണ് ജംഷദ്പൂരിന് ഇപ്പോഴുള്ളത്. മുംബൈ നാലാം സ്ഥാനത്ത് തന്നെ തുടരുകയാണ്.
നാളത്തെ മത്സരത്തിൽ നോർത്ത് ഈസ്റ്റ് യുണൈറ്റഡ് , എഫ് സി ഗോവയെ നേരടും.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
